Karjala šuau lisärahotušta koulujen korjuamiseh
Vuosina 2022–2023 Karjalan tašvaltah miärätäh noin 1,5 miljardie rupl’ua federalisešta b’utžetista. Rahotušta käytetäh 18 koulun oččašeinien, kattojen ta šisäkommunikatijojen korjuamiseh.
Raha-avun šuuremman ošan Karjala šuau vuotena 2022 federalisešta b’utžetista, a pienemmän ošan vuotena 2023. Šuatulla rahotukšella korjatah opaššušlaitokšien oččašeinie, kattoja ta šisäkommunikatijoja. Ruavot aletah jo šulakuušša.
– Federallisella rahalla meijän pitäy luatie peruškorjuamisen mahollisimman šuuremman ošan valituissa kouluissa. Nyt valičemma yritykšie, kumpaset ruvetah ruatamah ta valmissamma šopimukšie. Mie iče rupien käymäh kouluih ruatoja tarkistamašša, šano Karjalan piämieš Artur Parfenčikov.
Tašavallan piämieš niise korošti, jotta viiješšä vuuvvešša federalisella rahotukšella tašavallašša korjatah 70 kouluo. Peruškorjauš opaššušlaitokšissa pietäh Venäjän presidentin käšyn mukah.
