Karjala sai rahatugen rahvahaližen politikan azjtegoile
Karjalan Valdkund sai federaližes b’udžetaspäi rahatugen. Sidä oigetas rahvahaližen politikan azjtegoile da projektoile, miččed vahvištoitaba Venäman rahvazkundan ühtmut da rahvahanikoiden üks’meližut, abutaba tehta rahvahidenkeskešt i uskondoidenkeskešt kožmust Karjalan Valdkundas.
— Sil rahoil, miččed oli sadud federaližes b’udžetaspäi, vodel 2026 planuitas tehta äi azjtegoid. Ned oigetas Venäman tradicionaližiden hengižiden kal’husiden vahvištoitusehe, rahvahidenkeskeižiden kosketusiden paremboitusehe da norišton partiotižehe kazvatusehe. Om planoiš tehta muga, miše kaikil Karjalan rahvahil oliži kohtaižid voimusid. Voden 2026 suriden azjtegoiden keskes oma “EtnoSMART” -norišton rahvahidenkeskeine forum, “Karjalan rahvahiden keliden da kul’turiden nedalid”, miččihe mülüba venäkelen da venälaižen kul’turan nedal’, karjalan da vepsän keliden i kul’turiden nedalid. Mugažo om planoiš vedäda “Rahvahidenkeskeižiden kosketusiden paremboituz Venän Federacijas” -üläopenikoiden konferencijan, sanui press-relizas rahvahaližen da regionaližen politikan ministr Sergei Kisel’ov.
