Karjala rupieu lajittelomah roškua
Tämän vuuvven šulakuušta alkuan jätekeryäntäkentillä ašetetah uuvvet jätelajitteluaštiet.
Karjalah on oššettu 2500 šemmosta šäilyö, Petroskoissa ašetetah 600. Šama miärä jätekenttyä on Karjalan piäkaupunkissa.
— Erillini auto rupieu ajamah ta viemäh jätettä keltasista ašteista lajittelupistehih, missä roškua lajitellah vielä kerran ta käytetäh uuvveštah, šelitetäh Karjalan luonnonvarojen ta ekologijan ministerijöššä.
Lajittelomah jätteitä rupieu EkoLain-yhtijö. Enšikši roškat pitäy lajittelomah kahteh lajih: kuivat roškat (muovi, lasi, paperi, tetrapak-pakkauš, metalli) ta šekajättiet. Kuivat roskat šiitä lajitellah paperih, muovih ta lasih.
Vuotena 2024 Oneganrannan piirissä rakennetah jätelajittelukeškuš, šilloin jättiet ruvetah jakamah enempäh lajih.
