“Karjala pajatab”: Petroskoiš mäneb rahvahidenkeskeine pajofestival’
Rahvazkeskeižen pajofestivalin nimi om “Karjala pajatab”. Se om omištadud valdkundan 105-voččele jubilejale da Venäman Rahvahan sädandradon pertin 110-voččele jubilejale. Azjtegoho ühtneb 74 horad Karjalaspäi da ühesa – Venäman toižiš agjoišpäi. Kollektivad ühtenzoittas. Niid ohjandab 12 tedomahtošt dirižorad. Festivalin toižen päivän Petroskoin Kirovan avoirdal mäneb kuz’časuine koncert.
— Kollektivad ühtenzoittihe, no ezitused jagatihe horoiden mödhe: rahvahiden kollektivad, lapsiden kollektivad, akademižed da nügüdläižed horad. Nügüd’ meil om harjoitelusid, opandam pajoid. Uskom, miše azjtego linneb lujas melentartuižen, sanub Vepsän rahvahan horan ohjandai L’udmila Melentjeva.
Mugažo laval ezineba erazvuiččed kargsebrad, folk-muzikantad da tehtas etno-modan ozutand.
Uzištoid neciš temas voib lugeda mugažo karjalaks, suomeks da venäks.
