Karjala ošallistu Venäjän sel’l’a -kilpailuh
Tuiskukuun 14. päivänä Karjalan kaikissa kunnissa vietettih yleisvenäläini Venäjän sel’l’a — 2026 -joukkohiihtokilpailu. Pruasniekan piätilakši tuli tašavallan Kurgan-urheilu kompleksi Petroskoissa, mih tuli noin 2 000 ošallistujua. Asiešta kertou Karjalan tašavallan opaššuš- ta urheiluministerijö.
Hiihtouheiluharraštajie tervehti alovehen varapiämieš Roman Golubev.
– Tänäpiänä otamma vaštah oikieta uheilupruasniekka šuurine perintehineh. “Venäjän sel’l’a” starttuau Kurgan-kompleksissa. Nykyjäh pietäh Talviolimpijakisoja Italijašša. Juuri šiinä 70 vuotta takaperin meijän muanmieš F’odor Terentjev šai olimpijakultametalin. Kompleksi on nimitetty hänen kunnivokši, lainatah tiijotukšešša Roman Golubevin šanoja.
Ohjelma alko aikajuokšuista. Yli 300 hiihtäjyä kilpaili viijen ta kymmenen kilometrin matoilla. Parahiksi tultih Irina Meščer’akova, Arina Kanivčenko, Maksim Lukašin ta Andrei Korpusenko.
Esikoululaiset niise kuot’eltih omie voimie 500 metrin matalla. Eniten ošallistujie keräsi ajaštu rippumatoin 3 300 metrin juokšu.
“Venäjän sel’l’a” on meijän muan šuurin talvikilpailu. Šiih ošallistuu Karjalan voimakkahimpie urheilijie, urheiluveteranija, koululaisie ta esikoululaisie.
Aihiešta voit lukie niise šuomekši.
Yhty Oman Median Telegram-kanalah!
