Tänä kevyänä Karjalan eläjät voijah valita mimmosie paikkoja ruvetah kunnoštamah vuotena 2022 enšisijaisešti.
Joka yli 14-vuotihini kanšalaini voi iäneštyä miellyttäväštä kunnoštamisprojektista. Iäneššykšeh ošallistuu nellän kaupunkin 27 projektie.
̶ On šelvä nyt, jotta kaikešta enemmän kiinnoššušta šyynytetäh leikkii- ta urheilupaikkojen kunnoštamisprojektit. Kilpailuh ošallistuu äijän šemmosta projektie, missä esimerkiksi jo on leikkikenttä, kummaista pitäy korjata, tahi še pitäy ašettua, šano Petroskoin hallinnon kunnoštamisen ta ekologian ošašton johtaja Anna Dudirina.
Projektien joukošša on niise äijän ehotukšie kunnoštua puistoja tahi lepyämispaikkoja. Kunnoštamisprojektija ehotettih iče kaupunkien eläjät. Mukava kaupunkiympäristö -federalisen projektin verkkošivulla iäneššäntä alkau šulakuun lopušša.