Karjal on “Kalevalan” mua

Omii ruadoloi ezitetäh Karjalan parahat neroniekat. Kuvas on ozuttelun afiišan palaine. 6+ Kuva: Karjalan kul’tuuruministerstvu

Kalevala-eepilline poeemu on vaikutannuh kogo muailman kul’tuurah.  “Kalevalan” mugah luajitah teatruezitelmii, muuzikkutevoksii, sen s’užiettoi mualatah taidoilijat, “Kalevalal” innostunnuot neroniekat luajitah omii käziluajilmuksii.

Tuhukuun 28. päivänny 18.00 aigah Petroskois, Kanazallizen teatran foijees Rahvahan luamisruavonkeskuksen da kul’tuuruinitsiatiivoin Käziruadotaloi ezittäy käziruadotaijon da taijon ainavoluaduzen ozuttelun  “Karjal on “Kalevalan” mua”.

— Ozuttelus rahvas nähtäh Anuksen da Kondupohjan piirilöin, Belomorskan okrugan da Petroskoin linnan viijentostu neroniekan ruadoloi, kirjuttau Karjalan kul’tuuruministerstvu Karjalan piämiehen lehtistöpalvelule.

Ozuttelus rodieu eri tehniekois luajittuloi ruadoloi: puus leikattuloi, kullitetul niitil kirjoindettuloil, kuvottuloi da tilkuzis ommeltuloi ezinehii, kuvii, ruuttii da toizii mieldykiinnittäjii käziluajilmuksii.

Yhty Oman Median kanualah Telegramas!