Karjal da Uzbekistuanu: yhteisruado kehittyy
Karjalan da Uzbekistuanan edustajat piettih paginua yhtehizes ruavos 2025—2028 vuozikse.
Karjalan delegatsii yhtyi Ven’an da Uzbekistuanan toizeh nevvostoh, kuduas šeikuittih alovehienvälisty yhteisruaduo. Ekonoumiekan kyzymyksis vastai Karjalan premjer-ministru Ol’eg Jermolajev kirjutti sih nähte VKontaktas.
— Vastavuimmo Andižanan alovehen Hokiman Dilšodbek Karimovan kel. Vastavuksen tuloksennu on pidoloin pluanu vuozikse 2025—2028, kuduan allekirjutettih Karjalan tazavallan da Andižanan alovehen piäliköt. Pluanas on konkreettistu piduo tevolližuon, muatalovuon, turizman da torrun alal.
Karjalan da Uzbekistuanan yhtehine ruado kehittyy ruttoh da tulokkahasti. Vuvven 2025 enzimäzes puoliškos Karjalaspäi tavaroin viendy on kazvanuh 77,4 % mennyön vuvven samah aiguvälih verraten. Vuvven allus algajen on pietty kuuzi yhtehisty piduo.
