Nostamah uuttu školua Karhumägeh ruvetah jo tänävuon. Sih nähte saneli Karjalan opastusministru Roman Golubev Karjalan zakonoinhyväksyndykerähmön istundos.
– Karhumäen perehet jo kodvan aigua vuotetah sidä. Školas rodieu nygyaigastu laitehistuo. Uuzi opastuslaitos nostetah Opastus-programman kannatuksel, sanoi Karjalan zakonoinhyväksyndykerähmön paginanvedäi Elissan Šandalovič.
Školan rakendamizeh menöy 825 miljonua rubl’ua federuallizes b’udžietas da 8,8 miljonua rubl’ua Karjalan b’udžietaspäi.
Uuzi škola roih valmis vuvvennu 2022. Školan tyveh nostetah stadion, jalgumiäččypeldo da azetetah kundoilulaittehet.