Karhumägeh nostetah suuri škola
On jo tietois kampuanii, kudai rubieu nostamah uuttu školua Karhumäin linnas. Kilvas on voittanuh “Karelstroimehanizatsija”.
– Se rodieu kirkas nellikerroksine taloi, kudamas rodieu kylläl tilua. Sih syndyy yhtel aigua 1 100 opastujua. Projektu on luajittu ottajen čottah nygyaigazen opastuksen vuadimuksii. Enzimäzet valmistanduruadot algavutah jo kahten nedälin peräs. Škola pidäy ollah valmis vuvven 2023 loppussah, kirjutti omal VK-sivul Karjalan tazavallan piämies Artur Parfenčikov.
Uuzi škola nostetah Karhumägeh Opastus-kanzallizen projektan mugah. Tämän projektan hantuzis tänäpäi tazavallas nostetah vie kolme školua: Petroskoin Drevl’anka-mikropiiris, Kemis da D’rvenojan kyläs. Tuliel aigua nostetah vie kaksi: Oniegantagavozes da Suojärves.
