KareliaSkiFest yhisti hiihon harraštajie

KareliaSkiFest yhisti hiihon harraštajie

13.03.2023
KareliaSkiFest-talvifestivali piettih Petroskoissa 7. kertah.
Festivali keštäy netälin ta yhistäy yli 1500 ihmistä Venäjän eri puolilta. Kuva: Karjalan urheiluministerin lehistöpalvelu
Festivali keštäy netälin ta yhistäy yli 1500 ihmistä Venäjän eri puolilta. Kuva: Karjalan urheiluministerin lehistöpalvelu

KareliaSkiFest-talvifestivali piettih Petroskoissa 7. kertah. Karjalan šuurin hiihtotapahtuma on šamoin ni Venäjän yksi šuuremmista hiihtomarafonista. Šitä pietäh Urheilu on elämän normi -projektin rajoissa.

Marafonin lisäkši festivalin rajoissa pietäh kilpailuja polkupyöräilijien ta koiraval’l’akkourheilijien kešen. Festivali keštäy netälin ta yhistäy yli 1500 ihmistä Venäjän eri puolilta.

Šuuret avajaiset piettih 11. kevätkuuta. Enšimmäisinä kilpailtih pienimmät urheilijat, kumpaset hiihettih 500 metrie ta kolme kilometrie. Šiitä tykin ampumisella annettih startti 50:n, 25:n ta 10:n kilometrin marafoniloilla.

Urheilukilpailujen festivalista tuli talvipruasniekka koko perehellä. Starttipaikalla piettih leikkijä, huvitukšie, kilpailuja lapšilla ta aikuhisilla.

50:n kilometrin marafonin voittajiksi piäštih Kirill Gužijev ta Marija Novos’olova, 25:n kilometrin marafonissa voitettih F’odor Čepik ta Natalja Fofanova, a 10:n kilometrin kilpailušša nopeimpina oltih Jevgenii Pečorin ta Anastasija Ribakova.

Festivalin toisena päivänä piettih ekstremalini hiihto Kiži SKI X-RACE — še on 72 kilometrie Kižin šuarelta Petroskoih Onegan jiätä myöten.

— Tänä vuotena marafoni tovellah oli ekstremalisena. Šentäh kun oli kova tuuli, tuisku ta äijän lunta sel’l’alla. Šiitä huolimatta 52 urheilijua tuli starttih ta viimeset niistä lopetettih marafoni iltahämäräššä, mi niise lisäsi vaikeukšie, šelitettih marafonin järještäjät.

Kiži SKI X-RACE -marafonin voitti Aleksei Uvarov.

Kevätkuun 16. päivänä pietäh yöhiihtokilpailu ta polkupyöräilijien talviajot. Festivali loppuu niise marafonilla. A kevätkuun 18. päivänä hiihtäjät kilpaillah klassisešša tyylissä 50:n, 25:n ta 10:n kilometrin marafonissa.

Tänä vuotena Periodika-kuštantamo oli festivalin partn’orina. Kilpailujen järještäjät piettih internettikilpailu, kumpasen voittaja šai Pedri, kuulužu kuningas -kirjan. Festivalin aikana šai oštua kuštantamon kirjoja, a festivalin piäuutisie voipi lukie kuštantamon lehtilöissä ta Oma Media -portalissa.


ПОХОЖИЕ НОВОСТИ
Karjalan Sanomat
Petroskoin valtionyliopisto saa urheilukeskuksen
Urheilukeskuksen pinta-ala on yli 7 000 neliömetriä. Siinä yliopiston opiskelijat ja petroskoilaiset voivat harrastaa urheilua ja liikuntaa.
Karjalan Sanomat
Hanke: Karhumäessä on järjestetty alkeiskurssit aloitteleville lumilautailijoille
Urheiluhankkeen tavoitteena on opettaa 5–17-vuotiaita lapsia lumilautailemaan.
Kodima
Sportpraznik: Kalages mäni suks’voibištelend Anna Lisicinan muštoks
Kalages vedetihe sportpraznik Anna Lisicinan muštoks. Suks’voibištelendaha ühtni enamba 120 sortmest kudes školaspäi.
Karjalan Sanomat
Pysähtymättä jäällä – Urheilijat kilpailevat 25-tuntisessa maratonissa Airanteella
Tänä vuonna moottorifestivaali kerää osallistujia Tatarstanin tasavallasta, Murmanskista, Moskovasta, Pietarista ja Viipurista sekä Moldovasta ja Georgiasta.
Karjalan Sanomat
Kostamuksen ampumahiihtostadionista voi tulla korkeatasoinen valmennuskeskus
Ampumahiihtokeskuksen käyttömahdollisuuksia käsiteltiin Venäjän ampumahiihtoliitossa.
Oma Mua
Hiihtokilpailut urheiluturistija kešen piettih Petroskoissa
Petroskoissa Kurgan-paikalla piettih enšimmäiset urheiluturismin hiihtomatan kilpailut.
Karjalan Sanomat
Hiihtokilpailu: Petroskoissa ladulle lähtee yli 1 500 liikunnan ystävää
Helmikuun 11. päivänä hiihtokilpailu järjestetään 17. kerran. Viime vuonna kilpailussa oli mukana 7 000 Karjalan asukasta.
Karjalan Sanomat
Sortavalasta pikaluistelukilpailujen pitopaikka – Kaupungissa pidetään kilpailut Sergei Hlebnikovin muistoksi
Kilpailuihin osallistuu sata pikaluistelijaa. Urheilijoille on tarjolla 100, 500 ja 1000 metrin matkat.
Karjalan Sanomat
Petroskoin uusi skeittipuisto on nyt valaistu
Kevään alkaessa nuoret skeittarit voivat skeitata turvallisemmissa ja mukavammissa oloissa.
Войти
Регистрация
Пароль
Повторите пароль