Kandelehtu da jouhikkuo kuultah Moskovas – Tuari ezittyy konsertas
Karjalan Tuari-etnojoukko pidäy akustizen konsertan Moskovas. Muuzikkujoukko ezittyy 23. pakkaskuudu Irina Arhipovan nimellizes konsertuzualas. Konsertas kuultah kandelehen, jouhikon da pianon soitandua. Joukon solistat pajatetah pajoloi, kuduat pohjavutah Kalevala-runoelman runoloih da rahvahallizih sävelmih.
— Konsertas ezittyy sežo moskovalaine etnojoukko Krasiva (karjalakse Kaunis — toim.). Se ezittäy rahvahan perindöh pohjavujii pajoloi, sanoi Oma Mediale Tuarin solistu Darja Toivonen.
Konsertua valmistetah kanzoinvälizen muuzikkuliiton kannatuksel.
— Lähiaigua pluanois on pidiä konsertua Petroskois da Karjalas, kerdoi Toivonen.
Karjalan Tuari-etnojoukko yhtistäy perindöllizii karjalazii pajoloi, nygözii sovelduksii da kanzallizii soittimii. Muuzikkujoukko ezittyy aktiivizesti eri festivualiloia da konsertois ymbäri Karjalua.
Aihies voit lugie suomeksegi.
Yhty Oman Median Telegram-kanalah!
