Kandelehen aigu: taidojoukko täyttäy 90 vuottu
Karjalan taidomuzeis avavui ozuttelu, kudai on omistettu Kandeleh-ansamblin 90-vuozipäiväle. Ozuttelus suau nähtä arhiivuainehistuo, lavaruuttua, fotokuvua, harvinastu dokumentua. Se ozuttau taidojoukon yheksän kymmenen vuvven pitkiä taivaldu — allus algajen nygözih aigoih suate, sidä, kui ansambli säilyttäy aijoin, perindölöin da tavoin yhtevytty.
— Kandelehen aigu on ei vaigu kerdomus ansamblin taidotaibalehes, ga se on Karjalan kul’tuurumuston, sen muuzikku- da lavaperindölöin kuvastus, kuduat tänäpäi ielleh eletäh da kehitytäh, sanottih kul’tuuruministerstvas Karjalan piämiehen lehtistöpalvelule.
Ozutteluh kučutah tazavallan eläjii da gostii, sie suau tuttavuo kuulužan taidojoukon histourieh da tundie taijon eläviä voimua, kudai yhtistäy sugupolviloi.
Aihies voit lugie suomeksegi.
Yhty Oman Median kanualah MAX:as!
