Lönnrotin jälkijä myöten -interaktiiviseh pelih tuli viisi joukkuo. Peli oli järješšetty Mobergin talon molomman kerrokšen tiloissa. Ošanottajie vuotti kuuši ašemua ta jokahisella niistä oli valmissettu mukava ta eryähičči vaikie tehtävä.
– Ošanottajien piti šuorittua erilaisie tehtävie, esimerkiksi piti arvata runo, kumpani oli kirjutettu šalakielellä. Toisella ašemalla oli istorijallini tehtävä. Šielä piti kaččuo vanhoja 1960-vuosien valokuvie ta šanuo missä paikašša valokuva on otettu. Vielä yksi tehtävä – panna Kalevalan kartalla kylänošien nimet ta vaššata istorijallisih kyšmykših. Niise vierahilla piti kutuo lanka lankoista ta viimesellä ašemalla arvata mi on kapšakissa. Vetäjä šano arvautukšie täštä esineheštä ta anto čuhkaukšie, kerrottih pelin järještäjät.
Toimenpivon lopušša jokahini ihmini šai kaunehen tovissukšen muissokši. Ihmiset oltih tyytyväisie ta hyvällä mielin otettih ošua interaktiiviseh pelih.