“Kalevalan mua” vuottau ošallistujie
Taito-, tieto- ta kulttuurialojen vaikuttajat tahi aktivistien ryhmät voijah työntyä anomukšie Kalevalan mua -etnofestivalih ošallistumiseh. Šen rajoissa pietäh kilpailu- , tieto- ta taitoohjelmua.
— Anomukšien vaštahotto alko pakkaiskuun lopušša, täkši päiväkši myö šaima yli 400 anomušta ta vaštahoton ajan lopukši vuotamma, jotta tulou noin 6000 anomušta, kuin viime vuotena. Ošallistujat ollah Venäjän ta ulkomaijen 640 eri paikašta. Kaikešta enemmän ošallistujie on Karjalašta, Moskovašta, Piiteristä ta Leningradin alovehelta, šano etnofestivalin järještäjien joukon lehistösihteeri Natalja Romanova.
Tämän vuuvven ohjelmašta jokahisella löytyy mukava šuunta: Kalevala on päiväsen mua -lapšien tevokšien kilpailu, ETNOmotiivi-disainikilpailu, Karjalan muan kašvot -valokuvakilpailu, ETNOmatka-turismikilpailu, tieto-asiellini ohjelma, Etnofestivalin kenttien järještämini.
Ilmottautuo kilapiluh voipi saitilla šulakuun 1. päiväh šuateh.
