Pigai Piteriš mäneb XVI rahvahidenkeskeine etnofestival’ “Kalevalan ma”, mitte om omištadud karlajaiž-suomalaižele eposale da mitte ezitab Karjalan londusen čomut i necen man kul’turan bohatust. Ičeze pakičusid ühtnendaha jo voib oigeta festivalin tegijoile.
“Kalevalan ma”-etnofestival’ pidetas zavottes 2006. vodespäi. Muloi sihe ühtni 6572 mest Venäman da verhan man 671 lidnaspäi da küläspäi.
Necen voden festivalin programmas om kuz’ pol’t: “Kalevala — päiväižen ma”-lapsiden sädandradon konkurs, ”ETNOmotiv”-dizainan konkurs, “Karjalan man čomad kuvad”-fotokonkurs, “ETNOtur”-konkurs, tedokonferencii da paralleline programm, miččel tehtas festivalin etno-ozuteluz.
— Konferencijas om kaks’ tematišt sekcijad: ”Kalevalan ma. Turistižed projektad da elontahoiden kehitoitand” da ”Kalevalan tem kul’turas, taidehes da openduses”. Konferencijaha ühtneba specialistad kul’turan, taidehen da opendusen poliš. Kaikid aktivižembad festivalin ühtnikad oma Karjajan valdkund, Piter, Piterin agj, Komin valdkund, Murmanskan agj, sanutihe “Kalevalan ma”-etnofestivalin press-službas.
Ühtnikoiden pakičusid varastadas 1.sulakuhusai. Enamba tedoid “Kalevalan ma”-etnofestivališ voib sada tägä.
Festivalin ühthevedod tehtas Piteriš 10. sulakud.
Uzištoid neciš temas voib lugeda mugažo suomeks.