“Kalevalan ma” -etnofestival’: ehtkat oigeta pakičused
Avaitihe pakičusiden vastuz ühtnemaha “Kalevalan ma — 2025” -etnofestivalin konkursan programmaha, a mugažo sen tedo- i sädaiprogrammoihe. Pakičused ottas 15. keväz’kuhusai.
— Nece festival’ om hengen praznik, kus kaikutte voib süvetas ezitatoiden tradicijoihe, tundištadas kollektivoiden sädandradonke, nägištada ičeze sil’mil Karjalan Valdkundan bohatad istorijaliž-kul’turišt jäl’gendust, jagoihe ičeze tundmusil Karjalan pämez’ Artur Parfenčikov projektan internet-lehtpolel.
“Kalevalan ma — 2025” -etnofestivalin programmaha mülüba: “Kalevala om päiväižen ma” -lapsiden sädandradon konkurs, “ETNOmotiv”-dizainkonkurs, “Karjalan man modod” -fotokonkurs, “ETNOtur”-konkurs. Mugažo festivalil linneb tedoliž-azjaline programm, miččen aigan voib ezineda konferencijal i painda ičeze dokladad.
“Kalevalan ma” -etnofestival’ vedetas vodespäi 2006. Se om üks’ surembiš kul’tur- da openduzaigtegoišpäi, miččed om omištadud Karjalan istorijale, kul’turale da tradicijoile, a mugažo “Kalevala”-eposale.
Uzištoid neciš temas voib lugeda mugažo suomeks da venäks.
