Kalevala: lugiekkua karjalakse, vepsäkse da suomekse
Petroskoin valdivonyliopiston filolougien instituutan baltiekkumerensuomelazen filolougien laitos da da Kielen, literatuuran da histourien instituuttu
kučutah kielen maltajii Kalevalale omistettuh online-kilbah ”Luvemmo Kalevalan runoloi”.
— Kilbua pietäh eri nominatsielois: Kalevalan runo karjalan kielel (livvin, lyydin da varzinkarjalan murdehel), Kalevelan runo vepsän kielel, Kalevalan runo suomen kielel, ilmoittau Petroskoin valdivonyliopiston filolougien instituutan baltiekkumerensuomelazen fololougien laitos omassah VK-sivul.
Kilbua pietäh kolmes igäjoukos: 12—15-vuodehizet, 16—23 vuvven igähizet da 24-vuodehizet da vahnembat.
Kilbuniekal pidäy vallita 35—50 rivie pitky katkelmu Kalevalas, lugie se, luadie video da sijoittua se ilmazele tiedojagoresursale.
Kilbuzajavkoi otetah vastah pakkaskuun 19. päiväs algajen tuhukuun 28. päiväh suate. Kilvan tulokset ilmoitetah 16. kevätkuudu.
Kilbuniekoil tuhukuun 28. päiväh suate pidäy työndiä linku videoh, kilbuniekan nimi, adressi, igä, opastuslaitos (yliopastujih nähte), školan noumeru da kluassu (školaniekkoih nähte), ruadokohtu (ruavahih ruavos olijoih nähte), telefounan noumeru, sähköpoštan adressi, runon lugu, kieli, kudual runo on lugiettu.
Luvemmo Kalevalan runoloi -kilvan tarkoituksennu on popul’ariziiruija Kalevala-runoelmua, karjalan, vepsän da suomen kielii, sytyttiä mielenkiinduo kandurahvahien kul’tuurah, opastua nuorižuo ezittyö suuren rahvasjoukon kuulten da nähten.
Aihies voit lugie vepsäkse, suomekse da ven'akse.
Yhty Oman Median kanualah Telegramas!
