Kalevalašša järješšetäh kirjapainomusejo

Kalevalan kirjapainošša opašretken aikana. 6+. Kuva: KALEVALATALO-etnokulttuurikeškukšen VK-šivu

Kalevalašša Karjalan piämiehen grantilla järješšetäh uutta musejonäyttelyö. Projektin joukko lopetti šuuren tutkimušruavon, tutkijat kerättih, järješšettih ta kuvual’tih näyttöesinehie. Nyt valmissetah interaktiivista oppituntie koululaisilla ta 3D-mallie šekä piänäyttelyn audio-opašta.

— Karjalašša ei riitä mukavie paikkoja, kumpasih voipi viijä turistija. Šemmoset paikalliset musejot, kun Kalevalan kirjapainon musejo on hyvä esimerkki, mitä pitäy kehittyä. Tämä projekti auttau kulttuuriturismin kehityštä, šanottih Karjalan talouškehitykšen ministerijön lehistöpalvelušša.

Tovellini kirjapainokokomuš on šäilyn Kalevalašša, šen johtajana on KALEVALATALO-etnokulttuurikeškuš. Kalevalašša kirjapaino oli avattu vuotena 1962 ta še vaikutti piirin talouvelliseh ta poliittiseh elämäh. Nyt šillä on korkie istorijallini arvo ta on tärkie šäilyttyä šitä alkuperäisenä.

Aihiešta voit lukie niise šuomekši.