Kalages roihes uuzi muzei
Kalag’-kyläh sygyzyl avatah muzei. Salvos tulieh muzeih niškoi on jo tuodu uudeh sijah — se azetetah lähäl kul’tuurutaloidu.
Enzimäi muzei tahtottih luadie Anna Lisitsinan talois. Ga se taloi on huonos kunnos. Toizen taloin muzeih niškoi taričči eräs Kalagen eläi. Taloi on jo siirretty azetuskohtah Toižegespäi. Nygöi Kalagen eläjät kerätäh vehkehii uudeh muzeih niškoi.
— Mieli luadie taloi-muzei Kalages tuli meijän kylähaldivon Mihail Pol’akovan piäh. Myö kannatimmo händy. Auttua uskaldi Šeltozerets-ečindyjoukon piämies Viktor Lonin, sanou Kalagen deputuatoin nevvoston piälikkö Svetlana Gotič.
Uvves muzeis tahtotah luadie kolme ekspozitsiedu. Yksi roih omistettu Nevvostoliiton urhoile Anna Lisitsinale, toine — vepsäläzien eländytavoile, a kolmas kerdou erillizeh voinuoperatsieh yhtynyzis.
Pluanoin mugah muzei avatah sygyzyn allus.
Aihies voit lugie ven'akse da vepsäksegi.
