Johtutam, miše necil kevädel Kalagen külän “Pihläine”-TOS kirjuti projektan i vägesti. Projektan pätegendan oli tehta sport- da vändsija lapsiden täht. Radod zavodihe völ kezal. Äjan abutiba külän eläjad, aktivistad da sijaližed kivisaskelmižed karjerad. Nügüd’ külän keskuses, läz kul’turpertid om čoma tandreh lapsiden täht.
— Kalagen külän oma ihastusiš, miše om tehtud uz’ vändsija lapsiden täht, kus lapsed voiba väta i sportata. Ved’ küläs eläb äi norid kanzoid lapsidenke, kezal-ki tuleskeleb äi lapsid lebaidamha meiden külähä. Olgha se om pen’, no lujas čoma i kodikaz. Tulebal aigal mö planuičem sureta sen, sanub Kalagen eläi Maria Mironova.
Iče Kalagen eläjad napriba tehta kaiken, miše heiden lapsile oliži hüvä eläda küläs. Nece om hüvä ozutez toižiden küliden täht, kut aktivižed sijaližed eläjad, külän administracii da sijaližed karjerad radaba ühtes külän hüvüdeks.