Kalagen školan sija tegihe čomembaks udeks openduzvodeks
Kalagen školas vaumitas udeks openduzvodeks — aktivižesti mäneba radod školan sijan čomenzoitandan mödhe. Školanno pandihe uz’ asfalt, vajehtadihe parebrikad. Kaik nenid radoid tehtihe Kalagen administracijan pämehen Mihail Pol’akovan, školan pämehen Svetlana Gotičan, Vad-teorganizacijan, karjeroiden da Karjalan valdmehišton ühthižradon abul.
— Vad-organizacijas tehtihe meiden školezitanhan projekt, sijaline ”Karelflot Invest”-karjer andoi kivimuruid, toižed karjerad andoiba mašioid, tehnikad, tegiba kaivon vedenlähtendan täht, toiba gabbro-diabazaspäi tehtud parebrikoid. Mahtokahad tundijad paniba asfal’tan školanno. Nügüd’ mö lopim radoid, kaikile sur’ spasib, sanub školan pämez’ Svetlana Gotič.
Mugažo necil vodel todenzoittas völ üks’ projekt — tehtas elektrolämoituz da aid školsportstadional. Rahad anttas Karjalan b’udžetaspäi.
