Kalag’ möst kerazi adivoid čomal Kalarandal
03.07.2023
Kalag’-posadas mäni tradicionaline jogavozne vepsän kul’turan ”Kalarand”-praznik, mitte ühtenzoiti vepsän kul’turan navedijoid.
Vepsän rahvahan hor avaiži pajofestivalin. Kuva: Irina Sotnikova
”Kalarand”-etnoparkas, mitte seižub čomal Änižen randal, tradicijan mödhe mäni vepsän kul’turan praznik. Praznikale kerazihe Kalagen eläjad da adivod, miše kacta kollektivoiden ezitusid, söda rahvahališt lent da paštatesid, ühteta mastar’-klassoihe da tundištoittas vepsän kul’turanke.
— Minä olen hüviš meliš, miše meiden küläs joga kezan mänetadas mugoine praznik. Se andab ičeze adivoile voimusen nähtas tutabidenke da pagišta heidenke, lebaitas külän radoišpäi, tedištada enamba vepsän rahvahan polhe da tundištadas Karjalan sädandsebroidenke, sanub Toižegen eläi L’udmila Košeleva.
Adivoiden edes eziniba Karjalan ”Čičiliušku”, ”Oma pajo”, ”Pitarici”- pajosebrad, a mugažo suvivepsläine ”Varasta”-sebr.
ПОХОЖИЕ НОВОСТИ
