Kaivospiälikön taloin kohendusruavot jatkutah keviäl – projektah on annettu sada miljounua rubl’ua
Petroskoin Engel’san pihal sijoitunnuon Kaivospiälikön taloin kohendusruavot jatkutah keviäl. Täh projektan on annettu sada miljounua rubl’ua tazavallan b’udžietaspäi.
— Nämmil varoil kohendetah rakenduksen oččuseinät, siibirakenduksen levot da azetetah lämmityssistiemu. Paiči sidä tahtotah luadie syväinruavot, azettua ilmuvaihtosistiemu da kunnostua taloin lähialoveh. Projektua ruvetah todevuttamah kahten vuvven aigah, ilmoittau Karjalan piämiehen lehtistöpalvelu.
Vuozinnu 2019-2021 urakoiččii perustehellizesti kohendi taloin levon ja stropilat da lujoitti taloin muatilat.
Kaivospiälikön taloi on rakendettu 1700-luvun lopus. Talois eli Charles Gascoigne, kudai oli kunnivoittu šotlandielaine da ven’alaine oružoin luadii, metallumies, inženieru da keksii. Hänen piän al ruadoi Petroskoin Aleksandran puuškienzavodu vuozinnu 1786—1806.
Aihies voit lugie suomekse.
