Kaivospiälikön taloin kohendamizes autetah Kižin neroniekat
Vaste ei ammui Petroskoin keskučas palanuon kaivospiälikön taloidu ruvetah nostamah uvvessah. Kohendamizes autetah Kižin neroniekat. Sih nähte omassah VK-sivul ilmoitti Karjalan piämies.
— Olen samua mieldy Kižin muzein Jelena Bogdanovan kel, kudai kehoitti abuu: meijän restavruatoroil on suurdu kogemustu puuhizien rakenduksien kel ruadajes. Karjalan spetsialistat ollah parahat meijän muas, kirjutti Artur Parfenčikov VK-sivul.
Kižin ruadajat tarkastetah kaivospiälikön taloin jiännökset da sen jälles piätetäh, pidäygo da ku pidänöy, sit kui muuttua projektu. Suau käyttiä heijän ainavoluaduzii metoudiekkoi, niilöin luvus ongi parziloin ”paranduskeino”. Oigiedu piätösty luadijes autetahgi muzein arhiivan tiijot.
Lähi päivinny algavutah avuarienvastazet da konservatsiiruavot. Sen jälles objektale suau laskie spetsialistoi, kuduat luajitah šeikkuperäzen anualizan.
Aihies voit lugie suomeksegi.
Yhty Oman Median kanualah Telegramas!
