Kai tämän vuvven meččytulipalot ollah ristikanzan viga
Tazavallan mečis tulipalovarattavan aijan algavuttuu on vihjattu 19 tulipaluo 47 gektuaral. Alovehellizen meččytalovuon dispetčerupalvelun tiedoloin mugah jogahizen moizen tulipalon vijannu on kuivis mečis olendusiändölöin rikkomine.
— Mennyön nedälin lopus Meččien vardoičendukeskuksen lendäjät-tarkastajat vihjattih da sammutettih 4 tulipaluo Priäžän, Kalevalan, Kemin piirilöis da Suojärven alovehel. Vie eräs tulipalo sytyi 15 kilometrin piäs Kondupohjan Koikari-kyläspäi. Sidä sammutetah, abuh on kučuttu tulensammuttajua Karhumäispäi. Tulipalon pinduala on 28,17 gektuarua, ilmoittau Luonnonvarastoloin da ekolougien ministerstru omassah VK-sivul.
Heinykuun 15. päiväs algajen tazavallan kaikel alovehel on erilline tulipalovastustuskuri, 17. heinykuudu — 28. heinykuudu ristikanzoin mečis olendu da mašinoil sinne käyndy on rajoitettu. Tazavallan kogo alovehel on miärätty tulipalovaravon 3 tazo. Joga päiviä meččii tarkastetah lendokonehien vuoh. Meččih käyndy ei ole kielletty, yhtelläh virittiä tuldu mečäs olles ei sua.
Ilmoittua meččytulipaloh nähte voibi alalleh telefonah +7 (8142) 55-55-80.
