Tämbei, 1. kezakud, Karjalan valdkundas heittihe kaičendmaskoiden pidändan aigmäričest. Neciš azjas VKontakte-lehtpolil tedoti Karjalan pämez’ Artur Parfenčikov.
— Karjalas koumele kerdale väheni koronavirusan läžujiden mär. Mugažo laskeni pnevmonijan da tävun kibuiden läžeganduz. Sikš Rospotrebnadzoran Karjalan erišton ojandajan azjoiden keskaigaine tegii L’udmila Kotovič oigenzi meil tedotusen kaičendmaskoiden pidändan märičesen heitändan polhe, Parfenčikov kirjuti ičeze lehtpolen seinvestiš.
Kaičendmaskoiden pidänd ei ole kel’tud. Ristitud, kudambad tahtoiba kaita ičtaze virusaspäi, voiba kävutada niid.
— Maskoiden kävutoitand nevodas riskgruppas olijoile ristituile, mugažo 65-voččile da vanhembile ristituile, kingitab homaičust Parfenčikov.