Kaičem istorijad: lahjoiče muzejale kanzan relikvii
02.12.2021
Petroskoiš zavodihe jo koumanz’ regionaline “Relikvii – muzejale”-konkurs. Se znamoičeb, miše tahtnikad voiba toda ičeze kalun muzejale da vägestada matkan Kiži-sarele.
Kaikuččes vepsläižes kanzas om azj, mitte starinoičeb istorijas. 0+ Kuva: Darja Švecova
Äjad ristitud varastaba “Relikvii – muzejale”-konkursad, miše starinoita ičeze kanzan istorijan polhe. Täl vodel zavodihe jo koumanz’ regionaline “Relikvii – muzejale”-konkurs. Ku teiden kodiš om azj, mitte kaičeb istorijad, se znamoičeb, miše teiden kanz voib jäda kodiman istorijaha.
― Nece konkurs ühtenzoiti 37 kanzad Karjalaspäi da Piterišpäi. Konkursan aigal Venäman muzejan fondaha on tulnu enamb mi 200 kalud. Kaik ühtnikad saba lahjad da voiba kävuda meiden muzrjaha ilma maksuta. Tradicijan mödhe vägestai lähteb Kiži-sarele, sanui muzejan päkaičii Anastasia Dibrova.
Konkurs om 1.kül’mkud 2021– 20.kezakud 2022. Vägestajad saba ičeze lahjad Kanzan, armastusen, uskoližuden päiväl.
Ližatedod ”Kiži”-muzejan VKontakte-gruppas.
ПОХОЖИЕ НОВОСТИ
