Täl vodel Vepsän kelen nedal’ lahjoičeb meile äi erazvuiččid azjtegoid. Üks’ niišpäi om fil’moiden eht ”Vepsän vezad”-sebranke. Sebran ühtnikad taričeba vepsän kelen da kul’turan navedijoile mänetada aigad hüvin i kacta fil’moid vepsän kelel. Tö voit kucta sebranikoid i tulda Sebruden kodihe ühtes koumanzpäivän 14. sulakud, 18:30.
— Mö kucum kaikid tahtnikoid kacmaha fil’moid vepsläižiden polhe. Mugoižid fil’moiden ehtoid tehtas harvoin, sikš meletan, miše se tuleb mel’he ristituile. Mö vaumičem adivoiden täht fil’moid vepsän kelel. Niiden keskes oma fil’mad, miččed om tehtud ”Vepsän man vägi”-projektan aigan, sanub Tatjana Martjanova, ”Vepsän vezad”-sebran pämez’.
Fil’moiden eht linneb Titova, 3-irdal, Rahvahiden sebruden kodiš.