Jyškyjärvi vuottau kyläpruasniekkah
Kalevalan piirissä Jyškyjärven kyläššä šuovattana pietäh perintehellistä kyläpruasniekkua. Še pietäh pahah šiäh huolimattaki.
Pruasniekka alkau kylästadionilla jarmankan avajaisilla, kumpasella on kučuttu käsityömuasterit. Šielä šuau oštua käsityötavarua ta ošallistuo muasteri-oppiloih: tuttavuštuo karjalaiseh pukuh, perintehih ta kieleh.
— Päivällä on konsertti ta huvitušohjelma lapšilla. Kyläššä esiinnytäh Koštamukšen ryhmät “Viena” ta “Hete” šekä paikalliset folkloriryhmät. Illalla on perintehellini regatta. Šoutajat ruvetah kilpailomah joukoissa ta šamalla vaštuamah kyšymykših. Erikšeh pietäh kilpailut perehien kešen, šelitettih pruasniekan järještäjät.
Pruasniekan lopušša kaikkie kostitetah kalakeitolla ta čäijyllä. Illašta myöhäh yöh šuaten stadionilla pietäh tanššijaisie.
