Periodika-paindišt praznuičeb ičeze jubilejad 1. päiväl heinkud. Se ühtenzoitab Karjalan rahvahid jo 30 vot. Neciš paindištos tuleba eloho unikaližed kulehtesed da lehtesed vepsän, suomen da karjalan kelil. Paindištoho mülüba 5 redakcijad. Niiden keskes om koume lehtest: ”Karjalan Sanomat”, ”Oma Mua”, ”Kodima” da kaks’ kulehtest: ”Carelia” i ”Kipinä”.
Mugažo Periodika-paindišton seiniš oma Karjalaižiden, suomalaižiden da vepsläižiden mediakeskus da uz’ Sebruden kodi, kus ristitud voiba vastatas da pagišta ičeze kelel.
—Kacmaha sihe, miše koronavirusan taguiči ei ole surt praznikad, mö kucum veteranoid, kudamdad radoiba paindištos da tegiba suren panendan se kehitoitandaha, sanub Mediakeskusen ohjandai Andrei Kuznecov.
Mugažo Periodikan radnikad tahtoiba kosketadas ičeze lugijoidenke. Sen täht om tehtud konkurs ”Lude ičeiž armaz runo!”. Konkursan polhe voib lugeda täs