Kävvä jordanale Vieristänny illal 18. pakkaskuudu voibi Karjalan kolmes piiris – Karhumäen, Belomorskan da Sordavalan piirilöis. Karjalan toizis čuppulois virrallizet jordanale käymizet kiellettih koronaviirusan pandemien periä.
– Jordanah parembi čukelduakseh kaglassah. Vies pidäy olla ei enämbiä yhty minuuttua, eiga kylmät. Jordanaspäi lähtiettyy pidäy hieruo töppykäzipaikal da panna piäle lämmät sovat. Ku lämmitä, voibi juvva hiilavua čuajuu, saneltih Ven’an hädätilaministerstvan Karjalan ozastos.
On muistettavu, ku jordanale käymine Petroskois da toizis lohkolois kielletäh jo tostu vuottu.