Irma Mullonen: ”Tiedoruado on joukolleh ruattavu”
Karjalan tazavallan piämiehen Artur Parfenčikovan käskyn mugah annettih suurii valdivollizii kunnivomerkilöi tiijon, kul’tuuran da taijon alal ruadajile. Korgiesti arvostettuloin joukos on Ven’an Tiedoakadeemien Karjalan tiedokeskuksen Kielen, literatuuran da histourien instituutan tiedoruadai Irma Mullonen. Irma Ivanovna Mullonen on suannuh medalin ”Palvelukses Karjalan tazavallan hyväkse” tazavallan eläjien histouriellizen da kul’tuurizen perindön säilyttämizes da kehittämizes.
— Kunnivomerki ei ole vaigu yhten ristikanzan palkindo. Tämä medali on suuren joukon lunnastus: minun opastajien, minun kolleegoin, minun opastujiengi. Tiedoruado on joukolleh ruattavu, sanoi Oma Mediale Irma Mullonen.
Tazavallan piämies pani merkile Irma Mullozen monivuodehizen ruavon, korgien ammattineron da panoksen tiedoalan kehittämizeh.
Filolougien tiijon kandiduattu, Ven’an tiedoakadeemien vastuaju jäzen Irma Mullonen on hyvin tundiettu paikannimistön tutkii, baltiekkumeren-suomelazen kielentiijon, onomastiekan, kielikosketuksien da etnolingvistiekan tutkii da opastai.
Aihies voit lugie vepsän, suomen da ven'an kielel.
