Ilonnu on kägöi mečäs, pieni lapsi perehes
Tämän vuvven pakkaskuun 1. päiväs algajen maksetah yksikerdaine 100 tuhanden suurus makso 25 vuottu nuorembile muamoloile, kuduat opastutah.
— Jo viizi karjalastu opastujua suadih moizet maksot. Heijän joukos Kalevalan piirispäi rodužin olii Irina. Häi opastuu kooperativnois tehnikumas Petroskois Turizmu da rahmannožus -laitoksel. Tänä vuon tuhukuun aigah Irina sai lapsen. Sydämellizesti hyvittelen muamua enzimäzen lapsen kel da toivotan muamale da lapsele lujua tervehytty, kirjutti Karjalan tazavallan piämies Artur Parfenčikov omassah VK-sivul.
Tämänmoizen avun suamizekse nuorel muamal pidäy alallizesti eliä Karjalas, olla Ven’an kanzalaizennu, opastuo päivyozastol.
Oigevus suaha abuden’gat algavuu lapsen suandas da loppehes, konzu lapsi täyttäy kuuzi kuudu. Zajavleenii abuden’goih voibi andua interaktiivizen portualan kauti.
Ližätieduo Karjalan sotsioruavon keskuksen VK-sivul.
