ILMU-ryhmä anto ilmasen konsertin Kantele-talošša. Tunniksi kaččojat čukelluttih ainutluatuseh musiikkih, muisselmih Karjalan luonnošta ta šen ilmapiirin tunteih.
Konserttih tuli ihmisie, ketä kiinnoštau karjalan kieleh liittyjä luova työ, šekä ne, kumpasie kiinnoštau nykyaikani musiikki ta šemmoset luovat eksperimentit. Šen kautti karjalan kielen livvin murteheh tuttavuštuu uušie ihmisie.
– Meijän ryhmän musiikki on perintehellisien šoittimien ta nykyaikasen šähköllisen musiikin yhissyš, šekä lauluja karjalan kielellä. Täššä konsertissa esittimä enšimmäisen al’pomin – šiinä on musiikkikappalehie, kumpasien kautti myö ihaššumma Karjalan luonnošta, šanottih muusikot.
ILMU-ryhmällä on jo muovoštun ihailijien joukko, kumpani vuottau muusikoilta uušie projektija ta al’pomija. Omalta puolelta “ILMU” pyytäy kaikkie, kumpasie heijän šoittama musiikki kiinnoštau, auttua uuvven al’pomin tallentamisešša – materialija on riittäväšti. Lisyä tietuo šuau löytyä ILMU:n VK-ryhmäštä.