Ikuni muisto: Aili Rettijeva šiirty tuonilmasih
Vienankarjalaini Aili Rettijeva šiirty tuonilmasih 29. šajekuuta Petroskoissa.
Aili Jegorovna šynty 1. talvikuuta 1937 Uhtuon piirin Tollonjovešša. Hänen muamoh oli tunnettu vienankarjalaini runonlaulaja ta starinankertoja Santra Remšujeva.
Vuotena 1968 Aili lopetti Petroskoin valtijonyliopiston šuomen kielen ošašton ta tuli töihi Karjalan Sanomat -lehen toimitukšeh. Siellä hiän oli ruatan kiäntäjänä 42 vuotta. Oli ičeki kirjuttan lehtijuttuja ta valmistan erikoisnumeroja. Lisäkši hiän luati kiännöštöitä Punalippu-lehellä, Karjala-kuštantamolla ta moskovalaisella Progress-kuštantamolla. Aili korošti jotta kiäntämini oli hänellä luonnollista työtä. Lapšuošta ašti Aili oli kiäntän venäjäštä šuomekši ta šuomešta venäjäkši, ta karjalašta venäjäkši.
Vaikka Aili Rettijeva oli elän Petroskoissa melkein 60 vuotta, hiän piti iččieh kyläläisenä, ei kaupunkilaisena. Hiän pakasi karjalakši ta oppi kaikki työt, mitä šuatetah ruatua karjalaiset naiset. Hiän paikkasi verkkoja, šouti ta kävi kalalla, puhkasi kalat, sriäppi, keitti karjalaista ruokua.
Hänet hauvatah omahisien vierellä Vuokkiniemeh nellänäpäivänä 2. pimiekuuta.
Otamma ošua heimolaisien šuruh.
