Iguine tuli-mustokohtas paletah tuohukset
Tänäpäi 04.00 čuasun aigah Petroskoin Iguine tuli -mustokohtas piettih Mustotuohus-nimelline pido. Sih kerävynnyöt yhteiskunnallizih liittoloih da nuorižojärjestölöih kuulujat, valdivovallan elimien ruadajat sytytettih tuohukset da pandih kukat vuozien 1941—1945 Ižänmuallizes voinas kuadunuzien kunnivokse.
— Mustotuohukset voinumustomerkilöin kohtas on ei vaigu fašizman voittanuon kanzan yhtehizen tuskan merki, ga kiitändän da yhtenäžyön simvolu mennyön histouriellizes arvostamizes, kirjuttau Karjalan piämiehen lehtistöpalvelu omassah tiedottehes.
Tänäpäi 12.00 čuasun aigah pannah kukkuvenkat Velleskalmu da Tundemattoman saldatan kalmu iguizen tulen kel -mustomerkin kohtale.
Karjalan tazavaldu 12.15 čuasun aigah yhtyy kogo muan pidoh — Vaikkaine olenduhetki.
Yhty Oman Median kanualah MAX:as!
