Čigičaine manzikaižen sijas: manradai ištuti čigičaižen pöudon
Čigičaine voib tehtas Karjalan pämarjaks möndan täht manzikaižen sijas. Änižröunan manradajal Eino Jauhožel om čigičaižen pöud: männudel vodel hän ištuti čigičaižen da babarmon taimnid ühtel polenke gektaral.
Tulijal vodel Jauhonen planiruib kerata ezmäižen čigičaižen satusen. Hänen melen mödhe, čigičaižel linneb ičeze ostajid.
— Olen analiziruinu sijaližid da toižid kodimaižid möndkosketusid. Pigai mö voim tarita ostajile ani uden tovaran, starinoičeb Därvenoja-külän eläi Eino Jauhonen.
Manradai om zavodinu kazvatada marjoid valdkundan abul. Marjoiden taimned da tarbhaine matehnik osttihe “Agrostartup”-tugiprogramman da “Pen’ i keskmäine biznesad” -valdkundaližen projektan rahatugel.
Karjalan pämehen Artur Parfenčikovan melen mödhe, tägä om äi voimusid sen täht, miše ližata marjtovaroiden lugu.
— Karjalan il’mišt hüvin kožub marjoiden kazvatandan täht. Čigičaine da bararm tegese popul’arižikš laukoiš, sanui Karjalan pämez’ Artur Parfenčikov.
“Oma Media” -portal aigemba tedoti, miše heinkus karjalaižed manradnikad möiba läz 16 tonnad manzikašt. Männudel vodel nece lugumär oli 20 tonnad.
Uzišt neciš temas voib lugeda mugažo suomeks.
