Čičiliušku puutui parahien joukkoh
Karjalaine Čičiliušku-teatru Pskovan alovehel pietys suarnoin festivualis sai gran-prin. Suarnoin sanelijoin da ozuttelijoin kilbah kerdyi enämbi 300 ozanottajua Pskovan elovehen eri kolkis, Moskovas da Karjalaspäi.
Karjalan tazavaldua edustai Čičiliušku ozutti Sammon roindu -spektaklii, kudai on luajittu Kalevalan-runoelman pohjale.
— Lämmin da sula, toven suarnahine festivuali Pskovan rahmannoil mual — sih nähte on jiännyh äijy hyviä mustuo. Myö tulimmo omua suarnua kerdomah da tuttavuttamah toizis alovehis tulluzii karjalazien eepossah. Kilvas myö ozutimmo ”Sammon roindan” da saimmo gran-prin — on ylen hyvä mieles. Festivualis oli äijy hyövykästy ruadopajua, vastavustu da tuttavundua. Kai ymbäri oli ku suarnas rouno — kohtu, kuduas elimmö da ilmupiiri, kuduas ruavoimmo. Ihastutti, ku kibuniekoin joukos oli äijy nuordu, kuduat tottutoven ollah mieldynyöt folklourah, perindölöih da oman rahvahan kul’tuurah. Se äijän maksau, kerdou Čičiliušku-teatran piämiehen Boris Kudr’avtsevan sanoi Karjalan tazavallan kanzoin taijon keskus.
Suarnan muailmah syvendymine. Meččykollaboratsii -projektua todevutetah Prezidentan kul’tuurualguhpanoloin fondan kannatuksel. Se on omistettu Ven’an kanzoin yhtenäžyön vuvvele.
Aihies voit lugie ven'akse.
Yhty Oman Median kanualah MAX:as!
