Hyvät voindat kaikile: Karjalas pietäh Abilimpiks-čempionuattu
Karjalan tazavallas 30. kevätkuudu — 3. sulakuudu pietäh jo kymmenes alovehen Abilimpiks-čempionuattu. Kilbah yhtyy 200 Karjalas eläjiä niistiedy. Kilbuniekat tuttavutah eri ammattiloih da ozutetah omii neroloi.
Čempionuatan alovehen vuoroh kuuluu 34 ruadoneruo. Erähät niilöis ollah "keitändypertin ruadai", "avtokohendus», "lazertehnolougii". Arvostelukundah kuuluu 120 azientiedäjiä da pidiä kilbua autetah 100 omatahtostu ruadajua.
— Kanzalline Abilimpiks-čempionuattu on projektu, kudai kiinnittäy yhteiskunnan huomavuo niistielöin probliemoih. Se pietäh Ven’an tiedoministerstvan da Ven’a on mahtoloin valdivo -prezidentan platforman kannatuksel, ilmoitti Karjalan opastus- da sportuministerstvan lehtistöpalvelu omassah tiedottehes.
Kilbuniekkoi projektas vuotetah ruadopajat, seminuarat, vastavukset ruavonandajien kel, opastujien da studentoin treningat, ruadoloin jarmankat da äijy muudu.
Kilvan täyzi ohjelmu löydyy täs.
Aihies voit lugie vepsäkse da suomekse.
