Hyvänluatijien piiri yhisti kalevalalaisie
KALEVALATALO-etnokulttuurikeškukšešša keräyty kalevalalaisie, ket tahottih kannattua sosialiprojektija oman pos’olkan hyväkši. Rahua kerättih kyykkä-pelin kokomukšen oštamiseh ta polkkupyöraparkkipaikan ašettamiseh. Enšimmäistä projektie esitti kyykkä-pelin šäilyttäjä Žanna Tikkanen, toista – Kalevalan kirjašton johtajan šijahini Jelena Jeršova.
— Kyykkä-pelin kokomukšeh kyšyttih 21 tuhatta rupl’ua ta polkupyöräparkkipaikan ašettamiseh kirjašton viereššä oli kyšytty 10 tuhatta. Hyvänluatijien piirin tulokšien mukah oli šuatu 37 tuhatta rupl’ua ta 30 tuhatta rupl’ua vaštuavašti. Niin molommat projektit toteuvetah Kalevalašša, šanottih tilaisuon järještäjät.
Rahakeryämisen lisäkši tilaisuošša oli konserttiohjelma ta čäijynjuonti mukavašša ilmapiirissä. Tilaisuš toteuvettih Filantroopit meijän kešen -projektin rajoissa.
