Habsel’g-mägel azotadihe puine vestatuz Maria Abramovan kuvanke
Uz’ vestatuz täuti mägen art-objektoiden keradamišton.
Vestatusen tegii om Ivan Marcen’uk — tetab pumastar’ Karjalaspäi. Ei amu hän toi ičeze radon Podporožjehe. Sid’ se ozutadihe erazvuiččiš Süvär’-jogen elotahoiš, kuva seižui pordon aigad Honganal-külän opendajan muzejas, a nügüd’ azotadihe Habsel’g-mägel toižiden art-objektoiden rindale.
— Ladv-küläspäi Habsel’g-mägehesai om läz kümned kilometrad, sikš oigenzin Ivanale Maria Abramovan fotokuvan da pakičin vestatuses kuvata vepsläižen runoilijan mamad, sanub üks’ projektan tegijoišpäi, lehtezmez’ P’otr Vasiljev.
Azotada uz’ art-objekt abutiba sijaližed eläjad. Hö eskai tegiba tehuden laudoišpäi sijas, kus om so, miše ristituile oliži kebnemba sadas mägipähäsai. Udes vestatuses, avtoran sanoiden mödhe, om kuvatud vepsän rahvahan melevuz’.
