Gosuslugi: matkailu rodieu kebjiembi
Gosuslugi-saital suau sähközesti kirjuttuakseh kanzallizih puustoloih, rauhoitettuloih alovehih käyndäkse. Saital voibi suaja sähköluba tulla sinne omal autol, käveltä maršrutoi myöte, suaja helpotusluvat. Valvottavien luondoalovehien luvettelus ongi meijän Kivačču.
— Sähköpalvelu matkustamizeh nähte rauhoitettuloih da valvottavih alovehih luadiu matkustamizen Ven’ua myöte mugažembakse da kebjiembäkse. Se andau mahton online-muvvos suaja luba valvottavih luonnonalovehih käyndäkse, pienendiä matkan valmistamizen aijan da korrendua turistoin komfortua. Tänäpäi sen kauti voibi suaja sähköluvat kävvä 34 rauhoitettuh aloveheh da kanzallizeh puustoh, kudamil on federualline merkičys. Vuvven loppuh suate niilöin lugu kazvau 60, kerdou Ven’an haldivon varapiämiehen Dmitrii Gordijenkon sanoi Karjalan piämiehen lehtistöpalvelu.
Valvottavis da rauhoitettulois alovehis suau vastata harvinastu elättii da nähtä eriluadustu kazvii. Moizis tilois olles pidäy novvata siändölöi, kudamat suau lugie Gosuslugi-saital.
Rauhoitetut alovehet on juattu kahtekse: aktiivizen huogavundan suvaiččijoile on tarkoitettu ”Pul’s prirodi”, rauhan suvaiččijoile — ”Mir tišini”.
Yhty Oman Median kanualah MAX:as!
