Giperboreja-festivalin voittajien nimet on ilmotettu
Kolmekymmentä ihanua ta ainutluatuista veššošta jiäštä ta lumešta ošallistu tänä vuotena festivalin kanšainväliseh kilpailuh. Arvoštelijien oli vaikie valita niistä parahat. Arvoštelijakunnan johtajana oli Venäjän taiteilijaliiton Karjalan ošašton piällikkö Vladimir Zorin.
Kilpailušša oli kolme nominatijuo: Jiäveššoš, Šuuri lumiveššoš ta Pieni lumiveššoš. Niijen voittajakši tultih Borein aika- (Aleksei Lebedev, Nadežda Belaja ta Aleksandr Belii, Piiteri), Ruttoliäkäri- (Aleksandra Hailo, Sergei Gorlov, Nikolai Angelov, Petroskoi, R’azan’) ta V. P. Krapivinilla omissettu (Al’ona ta Anna Timina, Varvara Dubrovina, Petroskoi) veššokšet.
Jiä- ta lumiveššokšien kilpailun lisäkši festivalin ohjelmašša oli äijän mukavie tapahtumie, kisoja, kilpailuja ta esitykšie. Pandemija ei häirinnyn pityä kaunista ta kirkašta talvipruasniekkua, kummaista Petroskoissa voi šanuo talvisekši Kaupunkin päiväkši.
