Petroskoiš zavodihe tal’ven päpraznik − “Giperborei -2021“. Täl vodel se pidetas jo 20. kerdal. Programman mödhe 2. uhokud zavodihe konkurs mastariden keskes. Täl kerdal 30 joukud tegeba vestatusid lumespäi da jäspäi.
—Minä kävun Giperborejale kaikuččen voden. Enamba navedin jävestatusid. Ned oma lujas čomad ehtal, konz viritadas erazvuiččid lämoid, sikš paremba mända sinna ehtal, nevob Alina Kartinen, Giperborejan adiv.
Giperboreijan päpraznik planuitas 6.uhokud. Necil päiväl linneb ezitadud lumi- da jävestatusiden galerei. Sidä paiči festivalin adivoiden täht vaumitadas Giperborejan jarmark, skandinavižen kävundan festival’, konkursoid da vändoid lapsiden täht veresel il’mal. «Cosmos Petrozavodsk»-adivpertiš om avaitud ”Borejan rezidencii”.
Täuz’ “Giperborei-2021”-festivalin programm om kirjutadud saital.