GigaChat opastui Ven’an muan da lähi valdivoloin 30 kieleh
Tatarstuanas tazavallan Tiedoakedeemien kannatuksel todevutettih suuri projektu. Sen mugah on luajittu suuri tiedokorpussu, kuduah kuuluu literauurutevostu, joukkoviestimien julgavuo, opastukirjua.
Uvvistettu GigaChat:an AI-auttai korrendau tekstoin ellendämizen da niilöin kirjuttamizen tazuo Ven’an da lähi valdvoloin enämbi migu 30 kielel. Niilöin luvus ollah tatuaroin, baškiroin, čuvašien, udmurtoin, jakutoin, bur’atoin, osetinoin, čečenoin, karačajevo-balkaroin da toizet kielet. Toizii muailman kielii luguh ottajen GigaChat voibi täyttiä käskylöi enämbi migu 40 kielel.
Tiedoloin keriämizes AI-auttajan opastamizekse oli auttamas ”Ven’an kanzoin kodi” da Ruwiki-internet-entsiklopeedii, sego alovehellizet tiedokeskukset, tiedo- da opastuslaitokset, yhteiskunnallizet fondat, kuduat ruatah paikallizien kielien da Ven’an kanzoin kul’tuuruperindön säilyttämizen alal.
— Myö tahtozimmo luadie GigaChat:as kaikile suadavis olii tuoteh, ku sidä vois käyttiä meijän muan jogahine eläi. Ven’al on käytös enämbi 270 kieldy da murrehtu da myö tavoitammo luadie muga, ku kui vai vois enämbi muan eläjiä vois ”paista” meijän AI-auttajan kel omah kieleh, kerdou Sber-bankan Generatiivizen AI:n kehittämien -ozaston piälimäzen vice-prezidentan Anton Frolovan sanoi Dzen-uudistoimisto.
GigaChat:an AI-auttajas omal kielel voibi suaja vastavuksii kyzymyksih, nevvuo da abuu tiedoloin ečos, opastundas, tekstoin kirjuttamizes, valdivovallan elimien kel yhtevykses olles. Äijät kanzallizet kielet ollah vähäl edustettu internetas, sendäh GigaChat:an AI-auttajua kehittäjes Sber-banku kuččuu yhtehizeh ruadoh federuallizii da alovehellizii abuniekkoi — yliopistoloi, kirjastoloi, tiedokeskuksii, kuduat ollah kiinnostunnuot kieliainehiston digitizatsies da AI-auttajan kehittämizes omal kielel. Juuri niilöin avul kerätäh da tarkastetah kieliainehistuo, kudamua tarvitah AI-auttajan opastamizekse. Kielentiedäjät sežo yhtytäh sih ruadoh, hyö tarkastetah vastavuksien oigevuttu da kielioppii.
Aihies voit lugie suomeksegi.
Yhty Oman Median kanualah MAX:as!
