Fotokonkurs: Vepsläine rahvahaline sädo putui vägestajiden luguhu
Moskvas tehtihe Rahvahidenkeskeižen ”Mamoi da lapsed rahvahaližiš sädoiš”-fotokonkursan ühthevedoid. Vägestajiden lugetišehe putui vepsläine-ki rahvahaline sädo.
”Mamoi da lapsed rahvahaližiš sädoiš”-fotokonkurs vedetas jo nelländen kerdan. Kaiked konkursaha oigetihe 6000 pakičust, niišpäi 200 putui finalaha. Vägestajiden lugetišehe putui 50 ühtnikad. Vepsläine rahvahaline sädo putui parahimiden luguhu.
— Olen ihastusiš, miše fotokuva, miččel minun kanz om vepsläižiš sädoiš, om parahimiden keskes. Rahvahaline sädo om jogahižen rahvahan kul’turan tarbhaine pala. Nece konkurs om hüvä voimuz ezitada ičein rahvast, popul’arizoitta kul’turad i ozutada rahvahaližen sädon erigoičusid da čomut, sanui konkursan vägestai Irina Sotnikova.
Kaik vägestajad saiba mal’l’oid da diplomid. Heiden radod om pandud oficialižel saital. Vägestajiden fotokuvid mugažo paindas katalogas i ezitadas foto-ozutelusel Moskvas.
