Forum: Suomalaiž-ugrilaine norišt diskutirui etnokul’turižen kehitoitusen küzundoid
16.—18. elokud Mordovian pälidn vastsi adivoiš lehtmehid, opendajid, kul’turan da opendusen i toižiden poliden radnikoid Venäman erazvuiččiš suomalaiž-ugrilaižiš valdkundoišpäi. Kaiked forumale tuli 35 delegacijad, niiden lugus oma ezitajad Karjalaspäi-ki.
Karjalan televidenijan radnik Anastasia Šestak starinoiči forumal rahvahaližes toimištos, miččes hän radab da pagiži sen roliš Karjalan igähižiden rahvahiden keliden kaičendas.
— Tehnologijoiden kehitoituz abutab ozutada meiden teleozutesid kut voib enambile rahvahile. Kelen kaičendan aktivistoile om tärged rata ühtes mugoižiden mehidenke, kudambad mahtaba, ozutesikš, säta kelen kaičendan priloženii telefonan täht vai klikutim kodikelel, vai än’kändai. Mö voim jagetas kelen kaičendan nügüdläižil mahtoil mehidenke toižiš regionoišpäi, sanub Anastasia.
Rad mäni koumes sekcijas:”Venäman hengine jäl’gestuz”, ”IT-tehnologijad kul’turiž-keližes poles” da ”Norišton projektoiden tegemine”.
Foruman lopištundan jäl’ghe ühtnikoile taritas ühtneda ”Mö olem ühtes”- Ühthižvenälaižehe rahvahaližiden kul’turiden festivalihe.
