“EtnoPRO” uuvveštah yhisti nuorie
Elokuun 9.—12. päivinä Petroskoissa pietäh EtnoPRO-nuorisoissuntuo. Šiih tuli yli 30 nuorta ihmistä Karjalan eri piirilöistä ta Tverin alovehelta. Issunon rajoissa toimiu kolme sektijuo.
— Käsityöammatti luovan talouven sektorina -sektijon juohattajana on Svetlana Kol’čurina. Hiän opaštuu šujuvašti ruatamah käsityöammattien alalla. Kolmaš tila — koin ta ruavon välillä -sektijon rajoissa Jekaterina Jefremova kertou, mitein kehittyä pienie alovehie ta peruštua pisyvie julkisie tiloja. Musejo on tila jokahisella -sektijon juohattaja Anna Anhimova käsittelöy musejo- ta volont’oritoimintua šekä nykyaikaisen ta mielenkiintosen musejotilan luatimista, kerto Karjalan tašavallan kanšallisen ta alovehellisen politiikan ministerijön spesialisti, issunnon kurattori Aleksandra Anufrijeva.
Šamoin ošallistujilla valmissettih rikaš kulttuuriohjelma, luventoja, väittelyjä ta tapuamisie mukavien ihmisien kera.
Aihiešta voit lukie niise vepšäkši ta venäjäkši.
