“EtnoPRO”-openduzsessii tehtas jo nelländen kerdan

Jo pigai kaikutte tahtnik voib oigeta pakičusen openduzsessijan ühtnendaha. 16+ Kuva om ottud “EtnoPRO”-openduzsessijan gruppaspäi

“EtnoPRO”-openduzsessii tehtas jo nelländen kerdan. Openduzsessii norišton täht pidetas täl kezal 6.–9. elokud.

Azjtegol nored sädaimehed saba ližatedoid Karjalan rahvahiden tradicionaližes kul’turas. Sid’ hö tegeba projektoid, miččed om omištadud sen kaičendale. Sessijan ühtnikoiden täht vaumištadas melentartuine programm: vastused keliden da kul’turan tundijoidenke, mastar’-klassad, matkad külihe.

— Täl vodel sessijan ühtnikad ajaba Šokšhu, Šoutjärvehe, Kalagehe. Nene ei olgoi vaiše ekskursijad külidme, neniš tahoiš tehtas lavad opendusen täht, sanub Karjalan rahvahiden sebruden kodin radnik Jekaterina Tiškova.

Jo pigai kaikutte tahtnik voib oigeta pakičusen openduzsessijan ühtnendaha. Ližadoid voib sada azjtegon gruppas.